Ingredients for சர்க்காரா உப்பேரி
- 4 பெரிய வாழைக்காய்
- 3/4 கப் வெல்லம் / வெல்லத்தூள்
- 1/2 டீஸ்பூன் ஏலக்காய்த்தூள்
- 1/4 டீஸ்பூன் சுக்குத்தூள்
- தேங்காய் எண்ணெய் பொறிக்க தேவையான அளவு
- 1/2 டீஸ்பூன் சீரகம் தூள்
How to make சர்க்காரா உப்பேரி
- வாழைக்காயைத் தோல் சீவி ஒரு சென்டிமீட்டர் கனத்திற்கு அரை வட்டங்களாக நறுக்கி, தட்டில் பரப்பி 10 நிமிடங்கள் உலரவிடவும்.
- வாணலியில் எண்ணையைக் காயவிட்டு வாழைக்காய்த் துண்டுகளைச் சேர்த்து, அடுப்பை சிறு தீயில் வைத்து, சத்தம் அடங்கும் வரை பொறுமையாக பொறித்தடுக்கவும்.
- எண்ணெயை வடித்துவிட்டு ஒரு பாத்திரத்தில் போடவும்.
- வேறு ஒரு பாத்திரத்தில் வெல்லத்துடன் கால் கப் சூடான வெந்நீர் ஊற்றிக் கரைத்து வடிகட்டவும்.
- பிறகு, வெல்லக் கரைசலைக் கொதிக்கவைத்து ஒரு கம்பிப் பதத்திற்குப் பாகு காய்ச்சி இறக்கவும்.
- அதனுடன் எல்லாக்காய்த்தூள், சுக்குத்தூள், சீரகத்தூள் சேர்த்து கலக்கவும்.
- பிறகு வாழைக்காய் சிப்ஸுடன் சேர்த்துக் கலக்கவும்.
- ஒன்றோடு ஒன்று ஒட்டாமல் இருக்க, பொடித்த சர்க்கரைத் தூவலாம்.