முட்டை ஊட்டச்சத்து மிக்க உணவு என்பது அனைத்து அம்மாக்களுக்கும் தெரிந்ததே. ஆனால் அதை எப்போது , எப்படி தர வேண்டும் என்பதையும் தெரிந்துகொள்ள வேண்டியது அவசியம். தவறான நேரத்தில் தவறான முறையில் கொடுத்தால் அது உங்கள் குழந்தைக்கு அலர்ஜி , வயிறு வலியை உண்டாக்கலாம்.
குழந்தைகளுக்கான உணவு வழிகாட்டுதல்கள் படி உங்கள் குழந்தை திடமான உணவை சாப்பிடும் பக்குவத்தை எட்டவில்லை எனில் முட்டையைக் கொடுக்க வேண்டாம். அதாவது 4 முதல் 6 மாதம் வரை குழந்தைகள் திட உணவுகளை சாப்பிடாது. போல் அலர்ஜியை உண்டாக்கும் உணவுகளை கொடுப்பதில் காலம் தாழ்த்தக் கூடாது என்றும் அறிவுறுத்துகிறது.
பழைய ஆய்வுகளின் படி முட்டையை 2 வயதுக்கு மேல் கொடுக்கலாம் என்கிறது. ஆனால் சமீபத்திய ஆய்வுகள் திட உணவுகளை உங்கள் குழந்தைகள் சாப்பிட தயாரானால் கொடுக்கலாம் என்கிறது. உங்கள் குழந்தை நடக்கிறது, தானாக உட்காருகிறது, நாற்காலிகளில் தானாக ஏறி அமர்கிறது என்றால் அந்தக் குழந்தைகளுக்கு முட்டைக் கொடுக்கலாம்.
முட்டை ஆரோக்கியம்தானே என ஒருநாளைக்கு இரண்டு மூன்று எனக் கொடுக்கக் கூடாது. ஒரு நாளைக்கு ஒரு முட்டை மட்டுமே தர வேண்டும். முட்டையை வேக வைத்து நன்கு மசித்துக்கொடுங்கள். முட்டை செரிமாணிக்க கூடுதல் நேரம் எடுத்துக்கொள்ளும்.
அதேபோல் நீங்கள் புதிய உணவுகளை குழந்தைக்கு அறிமுகப்படுத்துகிறீர்கள் எனில் ஒரு உணவை முதல் முறைக் கொடுத்தபின் இரண்டாவது புதிய உணவை அறிமுகப்படுத்த 2-3 நாட்கள் இடைவெளி எடுத்துக்கொள்ள வேண்டும். இந்த நாட்களில் உங்கள் குழந்தைக்கு ஏதேனும் அலர்ஜி, உபாதைகள் உண்டாகிறதா என்பதைக் கண்கானிக்க வேண்டும்.
அதாவது அரிப்பு, தடிப்புகள், தோல் சிவத்தல், கண்களின் தண்ணீர் வடிதல், கண்கள் சிவத்தல், வாந்தி, குமட்டல், வயிற்றுப்போக்கு, மூச்சு வாங்குதல் இப்படி அறிகுறிகள் தென்பட்டால் உடனே மருத்துவரை தொடர்புகொள்ளுங்கள்.
