தேவையான பொருட்கள்:-
- ரவை – ஒரு கப்
- தண்ணீர் – இரண்டு கப்
- சீரகம் – ஒரு ஸ்பூன்
- வரமிளகாய் துகள்கள் (chilli flakes) – ஒரு ஸ்பூன்
- உருளைக்கிழங்கு – 2 (வேகவைத்து தோல் நீக்கி கொள்ளுங்கள்)
- கொத்தமல்லி இலைகள் – சிறிதளவு (பொடிதாக நறுக்கியது)
- உப்பு – தேவையான அளவு
- எண்ணெய் – 1/2 லிட்டர்
Rava snacks recipes in tamil :-
செய்முறை:-
Step: 1
அடுப்பில் ஒரு கடாய் வைத்து அவற்றில் இரண்டு கப் தண்ணீர், 2 ஸ்பூன் ஆயில், தேவையான அளவு உப்பு, ஒரு ஸ்பூன் சீரகம் மற்றும் ஒரு ஸ்பூன் வரமிளகாய் துகள்கள் (chilli flakes) ஆகியவற்றை சேர்த்து நன்றாக கொதிக்க விடுங்கள்.
Step: 2
தண்ணீர் நன்கு கொதித்ததும் அடுப்பை மிதமான சூட்டில் வைத்துக்கொள்ளுங்கள், பின் ஒரு கப் ரவையை கொஞ்சம் கொஞ்சம் சேர்த்து கட்டிகள் பிடிக்காதவாறு கிளறிவிடுங்கள்.
தண்ணீர் நன்கு வற்றி ரவை வெந்ததும் அடுப்பில் இருந்து இறக்கி ரவையை நன்கு ஆறவையுங்கள்.
Step: 3
ரவை நன்கு ஆறியதும் வேகவைத்த இரண்டு உருளைக்கிழங்கினை எடுத்து நன்றாக மசித்து கொள்ளுங்கள், பின் வேகவைத்த ரவையுடன் இந்த உருளைக்கிழங்கினை சேர்த்து நன்றாக பிசைந்து கொள்ளுங்கள்.
Step: 4
பின் பொடிதாக நறுக்கிய கொத்தமல்லி இலை சிறிதளவு சேர்த்து பிசைய வேண்டும். அதாவது சப்பாத்திக்கு மாவு பிசைவது போல் பிசைய வேண்டும்.
Step: 5
பின் சப்பாத்தி தேய்க்கும் பலகையை எடுத்து கொள்ளுங்கள், அவற்றில் சிறிதளவு பிசைந்த ரவை மாவை எடுத்து மேல் கொடுக்கப்பட்டுள்ள படத்தில் உள்ளது போல் நீளமாக தேய்த்து கொள்ளுங்கள்.
Step: 6
பின் சிறு சிறு துண்டுகளாக நறுக்கி கொள்ளுங்கள்.
பிறகு அடுப்பில் ஒரு கடாய் வைத்து அவற்றில் 1/2 லிட்டர் எண்ணெய் ஊற்றி எண்ணெய் நன்கு சூடேறியதும் கட் செய்து வைத்துள்ள துண்டுகளை எண்ணெயில் சேர்த்து பொன்னிறமாக பொரித்தெடுக்கவும்.
