kuthiraivali-Ragi-Koozh-Barnyard-millet-ragi-kool_குதிரைவாலி கூழ்

எலும்புக்கு பலம் தரும் உணவு பொருள்கள்.

by admin

எலும்புகள் ஆரோக்கியமாக இருப்பதற்கு கால்சியம் என்னும் சுண்ணாம்பு சத்து தேவை. எலும்புகள் உறுதியாக இருப்பதற்கு மட்டுமல்ல, நம் நரம்புகள் மற்றும் தசைகள் நன்றாக செயல்படவும் கால்சியம் உதவுகிறது. நம் உடலுக்கு தினசரி 1 முதல் 1.3 கிராம் கால்சியம் தேவை. தினசரி தேவையான சுண்ணாம்பு சத்தினை மோர் – 2 கப், கொஞ்சம் TOFU என்னும் சோயாகட்டி, கீரை, பீன்ஸ் – 1 கப், பழச்சாறு – 1 கப் சாப்பிடுவதன் மூலமே பெற்றுக்கொள்ள முடியும். இது தவிர கால்சியம் சத்து அதிகம் உள்ள சில உணவு பொருள்களை பார்க்கலாம்.

பால்:

கால்சியம் சத்து மிக அதிகம் உள்ள உணவு பொருள்களில் பாலும் ஒன்று. 1 கப் பாலில் 280 மில்லி கிராம் கால்சியம் சத்து காணப்படுகிறது. சிறுவர்களுக்கு எலும்புகள் பலப்பட பால் கொடுக்கலாம். பெரியவர்களும் அருந்தலாம்.

ஆரஞ்சு:

ஆரஞ்சு பழம் நமக்கு நோய் எதிர்ப்பு ஆற்றலை அளிக்கும் என்பது அனைவரும் அறிந்த விஷயம். ஆரஞ்சு பழத்தில் சுண்ணாம்பு சத்து மட்டுமல்ல, வைட்டமின் ‘டி’யும் அதிக அளவு உள்ளது. வைட்டமின் ‘டி’ சத்து, கால்சியம் நம் உடலில் சேர்வதற்கு உதவி செய்கிறது. சாதாரணமாக ஒரு ஆரஞ்சு பழத்தில் 60 மில்லி கிராம் கால்சியம் உள்ளது.

நண்டு:

நண்டில் அதிக அளவு கால்சிய சத்து உள்ளது. 100 கிராம் நண்டில் 1600 மில்லி கிராம் கால்சியம் காணப்படுகிறது. நண்டு சிலருக்கு ஒவ்வாமையை ஏற்படுத்தும். நண்டு பிரியர்கள் தாராளமாக சாப்பிடலாம்.

ராகி:

 தானியங்களில் கால்சியம் அதிகம் கொண்டது ராகி ஆகும். 100 கிராம் ராகியில் 380 மில்லி கிராம் சுண்ணாம்பு சத்து உள்ளது. ஆகவே, ராகி கஞ்சி, ராகி தோசை, ராகி வெல்ல உருண்டை என்று விதம்விதமாக செய்து சாப்பிடலாம்.

வாதுமை பருப்பு:

வறுத்த வாதுமை பருப்பு ஒரு கப் சாப்பிட்டால் உடலில் 457 மில்லி கிராம் கால்சியம் சேரும். சுண்ணாம்பு சத்து மட்டுமல்ல புரோட்டீன் என்ற புரதமும் இதில் அதிகம் உள்ளது. இதய நோயை தடுக்கும் இயல்பு கொண்டது. புரதச் சத்து அதிகம் கொண்ட இந்த பருப்புகளில் சிலவற்றை காலை சாப்பிடுவது உடல் ஆரோக்கியத்துக்கு நல்லது.

 அத்திப் பழம்:

அத்தி, உலராத சீமை அத்தி ஆகிய பழங்களில் கால்சியம் அதிக அளவு உள்ளது. ஓர் அத்திப்பழத்தில் 170 கிராம் சுண்ணாம்பு சத்து உள்ளது. இவை தவிர வாழை, கொய்யா ஆகிய பழங்களிலும் வெந்தய கீரை, வெந்தய தாள், காலிஃபிளவர், முருங்கை, கொத்தமல்லி, முள்ளங்கிக்கீரை, கேரட், வெண்டை, சர்க்கரைவள்ளிக்கிழங்கு ஆகியவற்றிலும் கால்சியம் அதிகம் காணப்படுகிறது.

Visits:

Related Posts

Leave a Comment

Translate »