தேவையான பொருட்கள்:
காளான்கள் – 15
இஞ்சி, பூண்டு – ஒரு தேக்கரண்டி
வெங்காயத்தாள் – சிறிதளவு
பெரிய வெங்காயம் – ஒன்று
பச்சை மிளகாய் – 3
சோயா சாஸ் – 4 தேக்கரண்டி
மிளகுத்தூள் – ஒரு தேக்கரண்டி
சாதம் – 4 கப் (வடித்து ஆறவைத்தது)
உப்பு – தேவைக்கேற்ப
எண்ணெய் – தேவையான அளவு
செய்முறை:
முதலில் பட்டன் காளான்களை எடுத்துக்கொண்டு நீரில் சுத்தப்படுத்தி, நன்கு நறுக்கிக்கொள்ளவும்.
பெரிய வெங்காயத்தை நீளவாக்கில் வெட்டிக் கொள்ளவும்.
வெங்காயத்தாள், பூண்டு, இஞ்சி, பச்சைமிளகாயையும் வெங்காயத்தாளையும் பொடியாக நறுக்கி வைத்துக்கொள்ளவும்.
ஒரு பெரிய வாணலியில், சிறிதளவு எண்ணெயை விட்டு சூடானதும் வெங்காயம், பச்சைமிளகாய் ஆகியவற்றை ஒவ்வொன்றாகச் சேர்த்து வதக்கவும்.
அடுத்து பூண்டு, இஞ்சியை சேர்த்து, சிறிது நேரம் வதக்கிவிட்டு, நறுக்கிய காளான் துண்டுகளை வாணலியில் சேர்க்கவும்.
அனைத்தும் நன்றாக வதங்கியதும் அதனுடன் சிறிதளவு உப்பு சேர்த்து, வடித்து வைத்திருந்த சாதத்தைக் கொட்டி கிளறவும்.
பின்னர் மிளகுத்தூள், சோயா சாஸ் முதலியவற்றைச் சேர்த்து இறக்கி, அதன் மேல் சில வெங்காயத்தாள்களை தூவி கலந்தால் சூடான அட்டகாசமான சுவையில் மஷ்ரூம் ஃப்ரைடு ரைஸ் தயார்.
