teach-boys-to-respect-girls_பெண்களை மதிக்க ஆண் குழந்தைகளுக்கு எப்படி கற்றுக்கொடுக்கிறீர்கள்

பெண்களை மதிக்க ஆண் குழந்தைகளுக்கு எப்படி கற்றுக்கொடுக்கிறீர்கள்?

by admin










உங்கள் வணிகத்தை உலகறிய செய்கிறோம்.
விளம்பரம் செய்ய +91 978 978 3312.

இன்றைய சமூக சூழலில் பெண்களுக்கு எதிரான குற்றங்கள் அதிகரித்து வருகின்றன. இவற்றை தடுக்க பெண்களை பற்றிய நம் மதிப்பீடுகளை குழந்தை பருவத்திலேயே ஆண்களின் மனதில் பதிய வைக்க வேண்டியது அவசியம். இதனை மையமாக வைத்தே சர்வதேச பெண்கள் தினத்தை முன்னிட்டு பெண்களை மதிக்க ஆண் குழந்தைகளுக்கு எப்படி கற்றுக்கொடுக்க வேண்டும் என்று அறிந்து கொள்ளலாம்.

பெணகளை மதிக்கும் பழக்கம் வீட்டு பெரியர்களிடம் இருந்து தான் துவங்க வேண்டும். அப்போது தான் வளரும் குழந்தைகளுக்கும் அந்த உணர்வு இயற்கையாக வரும். இது கற்பிக்கும் விஷயமல்ல. குழந்தைகள் நம்மை பார்த்து கற்றுக்கொள்ளும் விஷயம். பேசும் விஷயங்களில் இருந்து, அவர்களை அணுகும் விதம் வரை அனைத்தும் ஒவ்வொரு பருவத்திலும் ஆண் பிள்ளைகளுக்கு சொல்லி புரிய வைக்க வேண்டும்.

பெண் குழந்தைகளுக்கு மட்டுமல்ல ஆண் குழந்தைகளுக்கும் நல்ல தொடுதல் பற்றி சொல்லி கொடுக்க வேண்டும்.

குடும்பமாகட்டும், சமுதாயமாகட்டும் பெண்களுக்கு சம உரிமை தர வேண்டும் என்பதை ஆண்களுக்கு அடிப்படையிலேயே கற்றுத்தர வேண்டும். வீட்டில் எந்த கருத்து கேட்பதாக இருநதாலும் ஆண் குழந்தைகளின் கருத்துக்கு மட்டுமல்ல பெண் குழந்தைகளின் கருத்துக்கும் முக்கியத்துவம் கொடுக்க வேண்டும். குறிப்பிட்ட வயது வந்ததும் பெண் குழந்தைகளிடம் பேசும் போதே மரியாதையுடன் பேச வேண்டும் என்று சொல்லி தரவேண்டும்.

எங்கு சென்றாலும் எந்த இடத்திலும் பெண்களை மரியாதை குறைவாக பேசக்கூடாது என்பதை சொல்லித்தர வேண்டும்.

சமூகத்தில் ஊடகங்களில் திரைப்படங்களில் பெண்கள் எதிர்கொள்ளும் சவால்களை பற்றி உங்கள் மகனுடன் தொடர்ந்து உரையாட வேண்டும். மிக முக்கியமாக பெண்களை இழிவாக சித்தரிக்கும் சில திரைப்படங்களை ஆண் குழந்தைகளை பார்க்க விடக்கூடாது.

நம் வீட்டில் பெண்களை மரியாதையாக பாலின பேதங்கள் பார்க்காமல் நடத்தினால் ஆண் குழந்தைகள் இயல்பாகவே வெளியிடங்களில் பெண்களை கண்ணியமாக நடத்துவார்கள்.

பெண்களை தவறான கண்ணோத்தில் பார்க்கக்கூடாது. அது பாவச்செயல் எனவும், சக பெண்களை நல்ல தோழியாக கண்ணியமாக நடத்த வேண்டும் என்றும் சொல்லி வளர்க்க வேண்டும்.

Visits:

Related Posts

Leave a Comment

Translate »