தேவையான பொருட்கள் :
பீன்ஸ் – 11
கேரட் – ஒன்று பெரியது
உருளைக்கிழங்கு – ஒன்று
ஆப்பிள் – ஒன்று
தயிர் – ஒரு கப்
மிளகுத்தூள் – அரை டீஸ்பூன்
கடுகுப் பொடி – ஒரு டீஸ்பூன்
உப்பு – தேவைக்கேற்ப
செய்முறை:
கடுகு பேஸ்ட் கடைகளில் ரெடிமேடாகக் கிடைக்கிறது. கிடைக்காவிட்டால் ஒரு டீஸ்பூன் கடுகை மிக்ஸியில் பொடி செய்துகொள்ளவும்.
தயிரை ஒரு வெள்ளைத்துணியில் கட்டி 2 அல்லது 3 மணி நேரம் தொங்கவிட்டு தண்ணீரை வடியவிடவும்.
பீன்ஸ், கேரட், உருளைக்கிழங்கை பொடியாக நறுக்கி வேகவைத்து நன்றாக ஆற வைத்து கொள்ளவும்.
ஆப்பிளை பொடியாக நறுக்கி கொள்ளவும்.
ஒரு பாத்திரத்தில் பொடியாக நறுக்கிய ஆப்பிளை போட்டு அதனுடன் வடிகட்டிய தயிர், உப்பு, மிளகுத்தூள் கடுகு பேஸ்ட் (அ) பொடி ஆகியவற்றை போட்டு நன்றாக கலந்து கொள்ளவும்.
பின்னர் அதனுடன் ஆறவைத்த காய்கறிகளையும் சேர்த்து கலந்து பரிமாறவும்.
சத்தான சுவையான சாலட் ரெடி.
குறிப்பு: பொதுவாக ரஷ்யன் சாலட்டில் மயோனைஸ் கலப்பது வழக்கம். அதைவிட தயிர் ஆரோக்கியமானது என்பதால் இங்கு தயிர் கொடுக்கப்பட்டுள்ளது.
