தேவையான பொருட்கள்:
பச்சைப்பயிறு – 1 கப்
பச்சரிசி – 1/4 கப்
தேங்காய்த் துருவல் – 1/4 கப்
வெல்லம் – 1/2 கப்
ஏலக்காய் – சிறிதளவு
எண்ணெய் – தேவையான அளவு
செய்முறை:
அரிசி, பச்சைப்பயிறு இரண்டையும் 2 மணி நேரம் ஊறவைக்கவும். பிறகு தனித்தனியாக அரைத்து கலந்துக் கொள்ளவும்.
வெல்லத்தை சிறிதளவு தண்ணிர் விட்டு கெட்டியான பாகு காய்ச்சி வடிக்கட்டி மாவுடன் சேர்த்து தோசைமாவு பதத்தில் கரைத்துக் கொள்ளவும்.
அடுத்து அதில் பொடித்த ஏலக்காய், தேங்காய்த் துருவல் போட்டு நன்கு கலக்கவும்.
தோசை கல்லை அடுப்பில் வைத்து சூடானதும் ஒரு கரண்டி மாவு விட்டு தோசையாக வார்க்கவும். இருபுறமும் நெய் விட்டு வெந்தவுடன் எடுத்து பரிமாறவும்.
சுவையான பச்சைப்பயிறு இனிப்பு தோசை தயார்.
